استشريكم

أنا ما أنصحج بيه .. لأنه رجيم غير متكامل .. هو يمكن يضعفج بس!! ممكن تضرين جسمج .. شعرج .. بشرتج وغيره وغيره..
شوفي حبيبتي .. هو معرووووف انه الشخص يوم يفقد الوزن بصورة جدا سريعة .. تكون قابليته أكبر انه يرد يكتسب هالكيلوجرامات بسرعة وأحيانا أكثر ... عندج وايد أشخاص مثل يتعبون رجيم فترة وغالبا يكون رجيم غلط وعقب يتركونه .. ويردون عرجيم ثاني ويتركونه .. هالطريقة من الدايت يسمونها "اليويو دايت".. وتقلاقين في النهاية انه الشخص اكتسب وزن اكثر من اللي كان عليه ...

انتي المفروض تسوين رجيم متوزان+ رياضة... والرجيم المتوازن اول اسبوع او اسبوعين ممكن يخسرج كمن كيلو.. لأنه في البداية تخسرين الماي .. بس عقب هالاسبوعين يمكن تخسرين بس كيلو! بس هالشي ما يحبط.. لأنج بتكونين تخسرين الدهون ... ومعروف انه خسارة الدهون تاخذ وقت اطول من الماي.. وبعد في نقطة ثانية ... انتي لازم تتثقفين من ناحية الاكل .. يعني لازم تكون عندج خلفية عن الاكلات الظارة اللي وايد فيها كالوريز وعن البدائل طبعا.. وتكون بعد عندج خلفية عن كمية السعرات الحرارية في بعض انواع الاكل "مب تحفظين الرقم بس تعرفين تقريبا كم فيه" .. وبعد لازم تتعلمين تودرين عاداتج الغذائية الغلط .. مثل بين الوجبات تلخبطين وتاكلين جبس وهالسوالف.. انا ما اقولج احرمي نفسج.. بس الموضوع يكون لا تفريط ولا افراط .. يعني انا مثلا ممكن آكل جبس مرة في الاسبوع .. او اسكريم أو غيره .. بس بحدود .. يعني ماتكون عادة يومية او شبه يومية..

اخصائية التغذية ممكن تسويلج خطة مؤقته لخسارة الوزن.. بس أهم نقطة هيه كيف تحافظين على وزنج ثابت من عقب ما توصلين للوزن اللي تبينه...
في حد يقولج خسارة الوزن تحتاي ارادة .. بس انا رايي انها مب أول عنصر .. اول نقطة مهمة هيه تسويلج خطة حياتية لنظامج الغذائي.. وحزتها بتكون عندج الخلفية الكافية اللي ما تخليج ترتكبين نفس الغلطات...

وحبيت أقولج انه الرياضة مهمة واااااااااايد مهمة ومب بس حق الوزن.. الرياضة تمدد العمر باذن الله .. وتبعد الامراض .. مثل السكر والضغط وامراض القلب والجلطات.. وبعد تزيد من ثقة الشخص..

صح في كتاب وااااااااااايد حلووو للدكتور فيل اسمه :The Ultimate Weight Solution; the 7 keys to weight loss freedom.. صراحة انا ما ادري اذا هالكتاب شي منه نسخة مترجمة .. بس الصراحة الكتاب تحفة.. وربيعة اختي قرته ووايد استفادت منه وفعلا ضعفت ..

وفي وضوع اهنيه في المنتدى للاخت "كمام الامل" بيساعدج انه تفقدين الوزن بطريقة صحية.. وفي نفس الوقت تتقفين عن الصحة الغذائية.. أنصحج اتابعين مواضيعها وتسألينها اي سؤال "لأنه تخصصها تغذية" وهيه ماشاء الله عليها ماتقصر.. ترد بشرح واااافي ..
وهذا الرابط :
http://forums.3roos.com/showthread.php?t=445078


وبالتوفيق حبيبتي